Icelandair hefur aflýst tveimur áætluðum flugum félagsins til London í dag

Hvaða flugur eru það sem er alltaf verið að aflýsa?

Þetta er í annað sinn sem þessum blessuðum flugum hefur verið aflýst eftir að gos hófst undir jökli.

Flugur hafa ekkert með flug að gera hjá Icelandair eða Iceland Express eða ekki veit ég betur.

Þegar aflýst er flugi er einfaldlega sagt að aflýst sé tveimur ferðum eða flugi tveggja véla.

 

Icelandair aflýsir flugi til London

Sko, nú er þetta allt að koma

Það eru gleðitíðindi að krónan sé aftur á uppleið.  Botninum væntanlega náð og við farin að sjá afrakstur aðgerða stjórnvalda.

Krónan styrktist um 8%

helv. gott hjá honum

Þetta minnir óneitanlega á bandaríska þætti sem heita "My name is Earl".  Þar er herra Earl að bæta fyrir sínar syndir með því að hitta þá sem hann hafði stolið af og gera betur.  Nokkuð þunnir þættir er ok yfir popp og kók þegar ekkert er í gangi.

 

Þjófur býðst til að greiða skaðabætur 25 árum síðar

Alltaf tvær hliðar

Ekki átti ég von á þvi að ég myndi skrá mig á "bloggið", ekki að ég sé á móti þvi bara það að ég hef alltaf meira gaman að lesa fremur en að skrifa

En tökum þá á því máli sem ég hef verið að lesa um í dag, opinberu bréfi feministafélagsins.  Byrjum á einu.  Ég styð þessi samtök eða ætti ég að segja öll þau samtök sem starf í mætti réttlætis í einu eða örðu formi.  Jú takk, ég vil betra réttarkerfi, jú takk, ég vil vonda menn á bak við lás og slá.  Jú takk ég vil betri heim fyrir mín börn.

 En ég var einu sinni ungur strákur sem trúði á lífið og frelsið.  Auðvitað rataði ég í ógöngur.  Þannig var að ég hitti stelpu sem ágærði mig fyrir nauðgun.  Hún laug til um aldur en samt hef ég ekkert við hana að sakast, mamma hennar vildi miljónir.  Nú er ég ekkert að ýkja  Um síðir lauk þessu leiðindarmáli og ég var saklaus dæmdur.  Enda hafði ég ekkert slæmt á samviskunni. 

 Það sem ég held að sýki íslenskt samfélag er samkeppni kynjanna.  Getum við ekki bara með meiri samhug og þekkingu á hversu ólík við kynin eru unnið betur saman og reynt að lunda betur við hvort annað.  Ég held að megin hluti karlmanna hafi viðbjóð á nauðgunum, rétt eins og konur og við viljum þann sora burt.  En hvernig, er mér hulin ráðgáta.  Kannski fylgir þetta okkur alltaf.

Hitt er að hið opinbera bréf feministafélagsins var kannski ekki sterkarkasti leikurinn í stöðunni.  Það særir margan og minnir á sumt á auglýsingarherferð þar sem "pabbinn" hélt á  stelpu nærbuxum".  Man að það vakti umræðu um að hallað væri nokkuð á hinn almenna karlmann í landinu og það voru misborin skilaboð.   Sem sagt, skilaboðin voru ekki eins og til var stefnt.

Mér er sama hver eða hverjir starfa við þessa baráttu, bara ekki halla á þá sem eiga það ekki skilið.

Á meðan ég lifi mun ég reyna hvað eg get að ala upp mín börn í ást og umhyggju, já og verja þau fyrir þeirri vá sem stundum er þarna úti en ég mun líka standa vörð gagnvart þeim sem misnota réttarstöðu sína og ranglega ákæra menn fyrir verknað sem ekki var framinn.

 Þetta er alltaf hitamál, alltaf erfitt.  Allir virðast hafa á því skoðun, en eitt hjóta allir að vera sammála um, rétt skal vera rétt.

 

Elskum hvort annað og berum virðingu fyrir hvort öðru, við erum öll ólík.

 

Bestu kveðjur,

Þorsteinn Eggertsson

 

„Ég vona að þér verði aldrei nauðgað“